Azad olunmuş ərazilərin qazlaşdırılması konsepsiyaya uyğun olaraq aparılacaq - "Azəriqaz" Siyasət

Azad olunmuş ərazilərin qazlaşdırılması konsepsiyaya uyğun olaraq aparılacaq - "Azəriqaz"

İşğaldan azad olunmuş ərazilərin qazlaşdırılması konsepsiyaya uyğun olaraq aparılacaq.

Bu barədə Trend-in sorğusuna cavab olaraq "Azəriqaz" İstehsalat Birliyindən məlumat verilib.

Bildirilir ki, məlum olduğu kimi, Azərbaycan Respublikasının işğaldan azad olunmuş əraziləri “Yaşıl enerji zonası” elan olunub:

"Hazırda İdarələrarası Mərkəzin “Enerji təminatı” İşçi Qrupunda müxtəlif variantlar əsasında ərazilərin enerji növləri ilə təminatı üzrə təhlillər aparılır. Təhlillərin nəticəsinə uyğun olaraq “Yaşıl enerji zonası” konsepsiyası ilə əlaqələndirilməklə işğaldan azad olunmuş ərazilərin qazlaşdırılması barədə qərar verildikdən sonra müvafiq tədbirlərin həyata keçirilməsinə başlanılacaq".