“Biz maliyyənin ona ən çox ehtiyacı olan, ən həssas, təcrid olunmuş, iqlim dəyişikliyindən ən çox təsirlənən insanlara yönəldiləcəyindən əmin olmaq istəyirik”.

Bunu APA-ya açıqlamasında Böyük Britaniyanın Azərbaycandakı səfiri Ferqus Auld deyib.

“Beləliklə, konfransın ikinci günündə buranın necə izdihamlı olduğunu görə bilərsiniz. Dünya liderlərinin sammitinin ilk günüdür. Baş nazirimiz, xarici işlər nazirimiz, energetika nazirimizin hamısı buradadır. Baş nazirimizin bu gün açıqlayacağı bir elanımız və yeni milli töhfəmiz, yeni bir iqlim hədəfimiz var. Əlbəttə, biz də COP29-u maliyyələşdirmək üçün buradayıq. Biz maliyyənin ona ən çox ehtiyacı olan, ən həssas, təcrid olunmuş, iqlim dəyişikliyindən ən çox təsirlənən insanlara yönəldiləcəyindən əmin olmaq istəyirik”, - diplomat qeyd edib.