COP29 Prezidentinin nümayəndəsi Elçin Allahverdiyev Bonnda SB62 çərçivəsində keçirilən “İqlim dəyişikliyi siyasətlərinin və fəaliyyətlərinin birgə faydalarının elmi qiymətləndirilməsi” adlı tədbirdə çıxış edib.

Xalqcebhesi.az xəbər verir ki, bu barədə COP29-un “X” sosial şəbəkəsindəki rəsmi səhifəsində məlumat verilib.

O, iqlim dəyişikliyinə cavab tədbirlərinin mənfi təsirlərini minimuma endirməklə yanaşı müsbət birgə faydalarının maksimuma çatdırılmasının vacibliyini vurğulayıb.

Elçin Allahverdiyev, həmçinin Bakıda keçirilən COP29-da razılaşdırılmış 2026-2030-cu illər üçün Cavab Tədbirlərinin Təsiri üzrə Forumun və onun Katovitse Ekspertlər Komitəsinin İş Planında qeyd olunan tədbirlərə əsaslanmağın zəruriliyini vurğulayıb.