Təbrizin 30 kilometr cənub-şərqində, Təbriz-Ocan (Bostanabad) arasında yerləşən və dünyanın təbiət abidələri siyahısına salınan Qurugöl tamamilə quruyub.

Gunaz.tv

Bundan bir müddət əvvəl də, Şərqi Azərbaycan əyalətinin Regional Su Şirkətinin başçısı Yusif Qafarzadə mediaya açıqlamasında gölün qurumaq üzrə olduğu barədə xəbərdarlıq etmişdi.

“Qurugölə axan su qaynaqlarının qarşısı kəsilib, illik su payının yalnız 10 faizi buraxılır”- deyə, Qafarzadə bildirmişdi.

Qeyd edək ki, Qurugöl İranda beynəlxalq qeydiyyatdan keçmiş və dünya səviyyəsində təbiət abidəsi kimi siyahıya alınmış 26 göldən biridir. 200 hektar sahəsi olan göl 260 adda müxtəlif bitki növünə malik olmaqla yanaşı, çox sayda yerli və köçəri quş növlərinin sığınacağıdır.