III MDB Oyunlarında Azərbaycan atıcılarının bugünkü nəticələri çox yaxşı olub.

"Report"un Qəbələyə ezam olunmuş əməkdaşının məlumatına görə bunu Azərbaycan Atıcılıq Federasiyasının baş katibi Emin Cəfərov jurnalistlərə açıqlamasında deyib.

Federasiya rəsmisi daha yaxşı nəticələrə ümid edir:

"Bugünkü nəticələr çox yaxşıdır. İlin əvvəlindən yarışlara hazırlaşmışdıq. Əsasən gənc idmançılarımız, yığma üzvləri çıxış edir. Bu gün və dünən idmançılarımız artıq 3 medal qazanıb. Hər kəsi təbrik edirəm. İnanıram ki, növbəti günlərdə də medal qazanacaqlar"

Qeyd edək ki, Azərbaycanın iki atıcılıq Nərmin Cəfərova və Mürtəza Novruzlu stend atıcılığı üzrə yarışlarda gümüş medal qazanıb. Atıcılıq yarışlarına oktyabrın 1-də yekun vurulacaq.