Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi CNN-ə müsahibəsində ABŞ-ın Ukraynanın Rusiya ərazisinə zərbələrinə qarşı olub-olmaması sualına cavab verməkdən imtina edib.

Kirbi Ukraynanın pilotsuz təyyarələrin Moskvaya hücumu ilə bağlı sualı cavablandırıb: “Mən açıq şəkildə bildirmək istəyirəm ki, biz bu zərbələri təşviq etmirik”.

"Biz ukraynalılarla Rusiya daxilində zərbələrlə bağlı narahatlığımızı müzakirə etdik, onlar öz hədəflərinə və hərəkətlərinə cavabdehdirlər", - Kirbi davam edərək, ABŞ-ın "(Kiyev) əks-hücum üçün lazım olan hər şeylə təmin etməyə" fokuslandığını vurğulayıb.

Kirbinin fikrincə, söhbət Vaşinqtonun Rusiya ərazisinə zərbələr endirməyə “razı olub-olmamasından” gedir. "Onlar (Ukraynalılar) nəyi hədəfə alacaqlarına və hərbi imkanlarından necə istifadə edəcəklərinə özləri qərar verirlər. Biz qətiliklə Rusiya daxilində hücumları təşviq etmirik" - deyə o, yekunlaşdırıb.

Cavid