Almaniyanın keçmiş kansleri Angela Merkel (2005-2021-ci illərdə bu vəzifədə olub) xatirələrində etiraf edib ki, 2017-ci ildə Donald Trampla görüş zamanı Amerika lideri ona Rusiya prezidenti Vladimir Putinlə bağlı suallar verib və hətta onda Putinə heyranlıq təəssüratı yarandığını müşahidə edib.

Kitabdan ("Azadlıq. Xatirələr 1954-2021.") çıxarışların ayrı-ayrı hissələri Die Zeit qəzeti tərəfindən nəşr edilib.

"Görünür, o, Rusiya prezidentinə tam heyran olub”, – Merkel yazıb.

Tramp keçmiş kanslere Şərqi Almaniya irsi ilə bağlı da bir neçə sual verib. “Biz müxtəlif səviyyələrdə danışdıq - Tramp emosional müstəvidə, mən faktlara istinad etdim”, Merkel qeyd edib.

Bununla belə, o yazır ki, Trampla görüşdən sonra onda “pis hiss” yaranıb. Keçmiş kansler deyib ki, o, qlobal inkişafın xeyrinə birgə işləməyin onunla nəticə verməyəcəyi qənaətinə gəlib.

Cavid