ABŞ Prezidenti Donald Tramp “Truth Social” hesabından verdiyi açıqlamada Papa Fransiskin dəfn mərasimində iştirak etmək üçün Romaya gedəcəyini açıqlayıb.

"Melaniya və mən Romada Papa Fransiskin dəfn mərasimində iştirak edəcəyik. Orada olmağı səbirsizliklə gözləyirik", deyə Tramp açıqlamasında bildirib.

Digər tərəfdən, bəzi sosial media istifadəçilərinin və Demokratik hesabların Trampın “səbirsizliklə gözləyirik” açıqlamasının dəfn mərasiminə uyğun olmadığına dair tənqidlər səsləndirməsi diqqət çəkib.

Qeyd edək ki, Vatikan Papanın dünən yerli vaxtla saat 07.35-də 88 yaşında dünyasını dəyişdiyini açıqlayıb.