Türkiyə Xarici İşlər Nazirliyi Pakistanın Bəlucistan əyalətində baş verən terror aktı ilə bağlı yazılı açıqlama yayıb.

Açıqlamada terror aktı nəticəsində aralarında uşaqlar da daxil olmaqla, çox sayda insan tələfatı və yaralanmasından dərin kədər duyulduğu ifadə edilib: “Bu mənfur hücumu qınayır, həyatını itirənlərə Allahdan rəhmət, yaralananlara isə şəfa diləyirik. Türkiyə olaraq terrorun bütün forma və təzahürlərinə qarşı prinsipial mövqeyimizi bir daha bildirir, Cənubi Asiyada terrorla mübarizədə əməkdaşlığın vacibliyini vurğulayırıq”.