AFFA “Qarabağ” və “Neftçi” klublarını cərimələyib.

Bu barədə qurumun İntizam Komitəsinin qərarında bildirilib.

Qərara əsasən, Misli Premyer Liqasının VIII turunda keçirilən “Qarabağ” – “Neftçi” matçında Ağdam klubunun azarkeşləri rəqib komandanın ünvanına kütləvi şəkildə təhqiramiz ifadələr səsləndirdiklərinə görə “Qarabağ” 5000 manat cərimələnib.

“Neftçi” isə qarşılaşmada 5 futbolçusu sarı vərəqə aldığı üçün 700 manat, azarkeşlərinin pirotexniki vasitələrdən istifadəsinə görə isə 3000 manat cərimə edilib.

Bundan başqa, görüşün 90+4-cü dəqiqəsində “Neftçi”nin mətbuat katibi Asəf Zeynallı stadiona kiçik zərər vurub. Dəymiş zərər yerində ödənildiyi üçün ona xəbərdarlıq edilib.

Qeyd edək ki, “Qarabağ” və “Neftçi” arasında oktyabrın 17-də keçirilən qarşılaşma Misli Premyer Liqasının VIII turu çərçivəsində baş tutub. Görüş 3:3 hesablı bərabərliklə başa çatıb.