Yunanıstanın Serres Bələdiyyəsinin sərhədlərindəki bəzi ərazilərdə içməli suda uranın aşkar edildiyi bildirilib.

Xalqcəbhəsi.az "sondakika.com" saytına istinadən qeyd edir ki, Yunanıstanda Serres Bələdiyyəsi sərhədlərindəki müntəzəm su nəzarətləri çərçivəsində bəzi bölgələrdə uran səviyyəsinin yuxarı parametr həddini keçdiyi müəyyən edilib. Serresdə, Melinikiyotika bölgəsi, Efthalia Adam, Serres-Hrysopigi magistral yolu, Hrysopigi və Metohio yaşayış məntəqələri, Lefkona və Hristos bələdiyyəsi də daxil olmaqla, rayonun əksər hissəsində içməli su qadağan olunub.

Qeyd olunub ki, bu bölgələrdən götürülən su nümunələri Dimokritos İnstitutuna göndərilib və yeni analiz nəticələri gözlənilir.