Fələstinlilərə qarşı hücumlarını davam etdirən İsrail ordusu Qəzza zolağında yeni qırğınlar törədib.

Xalqcəbhəsi.az “sondakika.com”-a istinadən xəbər verir ki, Qəzza şəhərinin əd-Dərəc bölgəsində yerləşən və məcburi köçkün olan mülki vətəndaşlara ev sahibliyi edən Fəhmi əl-Cərcəvi məktəbi İsrail ordusunun hədəfi olub. Hücumda aralarında uşaqların da olduğu ən azı 19 nəfərin həyatını itirdiyi, dağıntılar altında qalanların axtarışlarının davam etdiyi bildirilib.

Qeyd edilib ki, Deyr-əl-Bələh şəhəri yaxınlığındakı Məğazi Qaçqınlar Düşərgəsində məcburi köçkün olan mülki şəxslərin sığındığı uşaq bağçasının bombalanması nəticəsində bir nəfər ölüb. Hücumlarda onlarla insanın yaralandığı və ölənlərin sayının arta biləcəyi deyilib.