Birləşmiş Ştatlar gələcəkdə İranın nüvə proqramı üzərində xarici nəzarətin təmin edilməsini tələb etməyə niyyətlidir. Bu nəzarətə Beynəlxalq Atom Enerjisi Agentliyi (BAEA) və ya hətta ABŞ-ın özünün də daxil olması müzakirə mövzusu ola bilər.

APA xəbər verir ki, bu barədə ABŞ Prezidenti Donald Tramp məlumat verib.

Tramp nəzarətin BAEA tərəfindən aparılmasına müsbət cavab verərək sözlərinə belə davam edib: “Bəli. Bu nəzarət bizim hörmət etdiyimiz kimsə tərəfindən də aparıla bilər. Biz özümüz də nəzarət edə bilərik”.