Pakistanın Pəncab və Bəlucistan əyalətlərində güclü musson yağışlarının səbəb olduğu daşqınlar nəticəsində ilkin məlumata görə 11 nəfər həyatını itirib.

Xalqcebhesi.az xəbər verir ki, Dawn qəzetinin məlumatına görə, Pəncab əyalətinin Lahor şəhərində və Bəlucistanın bəzi bölgələrində yağan şiddətli yağışlar daşqınlara səbəb olub.

Musson yağışları səbəbilə kanalizasiya sisteminin yetersiz qaldığı və bəzi yolların bağlandığı Lahorda minlərlə insan elektrik kəsintisindən təsirlənib.

Rəsmilər bildirib ki, güclü yağışlar evlərə və yollara ziyan vurub, Lahor və Bəlucistanın bəzi hissələrində baş verən daşqınlarda ilkin məlumata əsasən 11 nəfər ölüb, çox sayda insan isə xəsarət alıb.

Məryəm Quliyeva