Daily Mail: Tapinoma qarışqalarının koloniyaları Britaniyada yayılır

Xalqcebhesi.az xəbər verir ki, bu barədə Daily Mail məlumat yayıb.

Mənbənin məlumatına görə, bu qarışqaların koloniyaları harada peyda olursa, orada xaos yaranır. Onların təsirindən divarlar uça, məzar daşları isə aşa bilər. “Super qarışqalar” adlandırılan Tapinoma magnum adi qarışqalardan fərqlənir: onlar bir neçə metr uzunluğunda nəhəng koloniyalarda yaşayır və bir yuvada minədək ana qarışqa ola bilər.

Britaniyada havaların isinməsi səbəbilə bu aqressiv həşəratlar artıq şəhərlərə yaxınlaşmağa başlayıb.

Məqalədə deyilir:“Bu həftə müəyyən etdiyimiz kimi, onlar artıq buradadır – hələ ki, kənd ərazilərindədirlər və bütün zərərvermə potensiallarını tam üzə çıxarmayıblar. Amma bu, sadəcə zaman məsələsidir: onlar daha sıx məskunlaşmış bölgələrə yayıla və qarşısıalınmaz gücə çevrilə bilərlər. Ölçü və görünüş baxımından adi qarışqalara bənzəsələr də, təhlükəlidirlər.”

Tapinoma magnum növü zəhərli olmasa da, əziləndə acı yağ qoxusuna bənzər iy buraxırlar.

Məryəm Quliyeva