Suriyada mülki şəxslərə qarşı insan haqları pozuntularını sənədləşdirən SNHR-nin verdiyi açıqlamaya görə, 13-20 iyul tarixləri arasında Süveydada baş verən qarşıdurmalarda 7-si uşaq, 10-u qadın, 6-sı tibb işçisi və 2-si media işçisi olmaqla, sənədləşdirilmiş ölənlərin sayı 426-ya yüksəlib.

Suriya İnsan Haqları Şəbəkəsi iyulun 13-dən 18-dək Süveydada baş verən qarşıdurmalarda 6-sı uşaq və 9-u qadın olmaqla ən azı 321 nəfərin öldüyünü, 436-dan çoxunun isə yaralandığını bildirmişdi.

Bədəvi ərəblər və qəbilə qüvvələrindən ibarət ittifaq ilə bəzi dürzi qrupları arasında baş verən toqquşmalar Dəməşq hökumətinin və vasitəçi ölkələrin təşəbbüsü ilə başa çatıb.