Pentaqon İsrailə əlavə "Patriot" hava hücumundan müdafiə (HHM) sistemini köçürür.

Xalqcebhesi.az xəbər verir ki, bu barədə mənbələrə istinadən "The Wall Street Journal" qəzeti məlumat yayıb.

Onların məlumatına görə, ABŞ Silahlı Qüvvələri yəhudi dövlətində raketdən müdafiə sistemini gücləndirmək üçün Texasdan sistem göndərmək qərarına gəlib. Bundan əlavə, nəşr bildirir ki, gələn ay regiona əlavə aviadaşıyıcı qrup gələcək və Yaxın Şərqdəki təxminən 20 ABŞ hərbi gəmisinə qoşulacaq. Qəzetin məlumatına görə, bu addımlar İslam Respublikasına (İrana) qarşı hərbi əməliyyatın bərpa olunacağı təqdirdə ABŞ Prezidenti Donald Trampa müxtəlif fəaliyyət variantları təqdim etmək məqsədi daşıyır.

Məryəm Quliyeva