ABŞ Prezidenti Donald Tramp Vaşinqtonda bir muzeyə səfəri zamanı Rusiya-Ukrayna prosesi ilə bağlı açıqlama verib.

Tramp Rusiya Prezidenti Vladimir Putinlə Ukrayna Prezidenti Volodimir Zelenski arasında keçiriləcək görüşü səbirsizliklə gözlədiyini bildirib və deyib: “Putin və Zelenskinin birlikdə çalışıb-çalışmayacağını görəcəyik. Bu münasibətlər bir az da yağ və sirkəyə bənzəyir. Məlum səbəblərə görə onlar yaxşı anlaşmırlar, amma görəcəyik. (Liderlərin sammitində) Mənim orada olmağımdansa, mən onların görüşməsini və necə bir yol tapa biləcəklərini görmək istərdim”.

Bu günə qədər 6 müharibəni dayandırdığını iddia edən Tramp, Rusiya-Ukrayna müharibəsinin indiyə qədər üzləşdiyi ən çətin müharibə olduğunu, lakin bunu da sonlandırmağı çox istədiyini bildirib.