Nigeriyanın Zamfara əyalətinin Birnin Magaji bölgəsindəki sakinlərin silahlı dəstələrin hücumlarından xilas olmaq üçün mindikləri qayıq çayda batıb.

Xalqcəbhəsi.az “TRT Haber”ə istinadla bildirir ki, qəzada 13 nəfər həlak olub, 22 nəfər itkin düşüb.

Səlahiyyətlilər ərazidə axtarış-xilasetmə işlərinin davam etdiyini və ölənlərin sayının arta biləcəyindən ehtiyatlandığını bildirib.

Qeyd edək ki, yağışlı mövsümdə Nigeriyada çay və göllərdə qayıq qəzaları tez-tez baş verir.