Fələstinin HƏMAS hərəkatı ABŞ prezidenti Donald Trampın Qəzza zolağında sülh nizamlanması planına bir sıra düzəlişlər edilməsində israrlıdır.

Xalqcebhesi.az xəbər verir ki, bu barədə “Al Hadath” televiziyası təşkilatdakı mənbəyə istinadən məlumat yayıb.

Kanalın mənbəsinin sözlərinə görə, HƏMAS özünü "Tramp planına düzəliş etmək hüququna malikdir" hesab edir və buna görə də hərəkat nümayəndələri sənədin "müəyyən müddəalarını dəqiqləşdirmək üçün" vasitəçilərə müraciət ediblər. Konkret olaraq, mənbənin sözlərinə görə, hərəkat özünün “qanuni özünümüdafiə hüququnu” və silahlardan müdafiə məqsədləri üçün istifadəni qorumağa çalışmaq niyyətindədir.

Bundan əlavə, HƏMAS İsraildən hərbi əməliyyatları bərpa etməyəcəyinə zəmanət tələb edir və Qəzzada hər hansı xarici idarəçiliyə qəti şəkildə qarşıdır.

Məryəm Quliyeva