Fələstinin HƏMAS hərəkatı və İsrail, ABŞ prezidenti Donald Trampın Qəzza münaqişəsinin həlli planını qəbul edib və Misirdəki dolayı danışıqlarda onun həyata keçirilməsinin təfərrüatlarını müzakirə edirlər.

Xalqcebhesi.az xəbər verir ki, bu barədə Qətər Baş nazirinin müşaviri və Xarici İşlər Nazirliyinin sözçüsü Məcid bin Məhəmməd əl-Ənsari brifinqdə bildirib.

“Dünən tərəflər Şarm əl-Şeyxdə Qəzzada atəşkəs razılaşmasının əldə edilməsinə maneələri müzakirə etmək üçün 4 saatlıq danışıqlar aparıblar”, - deyə o, jurnalistlərə bildirib. "Danışıqlar davam edir və onların nəticələrini müzakirə etmək hələ tezdir", - Qətər diplomatı qeyd edib.

Qəzza münaqişəsinin bütün tərəfləri planla razılaşır; çətinliklər onun praktiki həyata keçirilməsindədir.

Məryəm Quliyeva