İsrailin baş naziri Benyamin Netanyahu Qüdsdə Misir kəşfiyyatının direktoru Həsən Mahmud Rəşad ilə ABŞ prezidenti Donald Trampın Qəzza sülh planının həyata keçirilməsini, həmçinin ikitərəfli münasibətlərin və regionun gücləndirilməsini müzakirə edib.

Xalqcebhesi.az xəbər verir ki, bu barədə İsrail Nazirlər Kabinetinin başçısının ofisi məlumat yayıb.

“Baş nazir Benyamin Netanyahu və onun mütəxəssis komandası Qüdsdəki baş nazirin ofisində Misir kəşfiyyatının rəhbəri ilə görüş keçirib”, - deyə məlumatda qeyd olunub.
Baş nazirin ofisi əlavə edib ki, tərəflər “ABŞ prezidenti Trampın Qəzza zolağında nizamlanma planının irəli sürülməsi, İsrail-Misir münasibətləri və iki ölkə arasında sülhün möhkəmləndirilməsi, eləcə də regional məsələləri müzakirə ediblər”.

Məryəm Quliyeva