Qətər xarici aviaşirkətlərin Dohadakı Hamad Beynəlxalq Hava Limanı vasitəsilə ölkəyə uçuşlarının mərhələli şəkildə bərpa olunduğunu açıqlayıb.

Bu barədə Qətər Mülki Aviasiya İdarəsi məlumat yayıb.

Məlumata görə, qərar “mövcud vəziyyətin hərtərəfli qiymətləndirilməsi və bütün aidiyyəti qurumlarla koordinasiya nəticəsində” qəbul edilib.

Bildirilib ki, bütün reyslər və əlaqəli əməliyyatlar beynəlxalq təhlükəsizlik standartlarına uyğun şəkildə həyata keçiriləcək, sərnişinlərin və personalın təhlükəsizliyi üçün zəruri ehtiyat tədbirləri tətbiq olunacaq.