Almaniya hakimiyyəti cinayət törətmiş 31 əfqanı vətənlərinə deportasiya edib.

Bu barədə Almaniya Daxili İşlər Nazirliyi məlumat yayıb.

"Bu səhər 31 əfqan Kabilə çarter reysi ilə deportasiya edilib və onların hər biri qanuni olaraq ölkəni tərk etməyə borclu idi" - məlumatda qeyd olunur.

Daxili işlər naziri Aleksandr Dobrindt bildirib ki, 31 əfqan əsasən qətl, zorlama və digər zorakılıq hərəkətləri də daxil olmaqla xüsusilə ağır və ağır cinayətlər törətmiş şəxslərdir.

Nazir Əfqanıstana deportasiyaların davamlı olacağını vurğulayıb: "Təhlükəsizliyimizi təhdid edənlərin Almaniyada qalmaq perspektivi yoxdur. Cəmiyyətimiz cinayətkarların ölkəmizi tərk etməsində açıq-aydın maraqlıdır".

İyunun 21-də "Bild am Sonntag" qəzeti Almaniya Daxili İşlər Nazirliyinin Taliban nümayəndələri ilə gizli danışıqlar apardığını və təhlükəli cinayətkar hesab edilən əfqanların Almaniyadan deportasiyasının genişləndirilməsi barədə razılığa gəlindiyini bildirib.