İsrail ordusunun Baş Qərargah rəisi general-leytenant Eyal Zamir İsraildə 27 oktyabra planlaşdırılan parlament seçkilərindən əvvəl İrana hücum etmək üçün əməliyyat zərurəti görmür.

Xalqcebhesi.az xəbər verir ki, bu barədə İsrail televiziyasının 13-cü kanalı məlumat yayıb.

Məlumata görə, general bu qiymətləndirməni qapalı iclaslardan birində səsləndirib. "Biz seçkilərə qədər İrana hücum etmək zərurətinə dair heç bir əlamət görmürük. Əgər İrana zərbə endirməyin vacib olduğuna qərar versək, İrana hücum edəcəyik", - deyə telekanal Zamirin sözlərini sitat gətirir.

O əlavə edib ki, ordunun hazırkı vəzifəsi "seçkilərin təhlükəsizlik nöqteyi-nəzərindən mümkün qədər dinclik şəraitində keçirilməsini təmin etməkdir".

Məryəm Quliyeva