Gürcüstanda planlaşdırılan Şərq Tərəfdaşlığı sammitinin nə vaxt keçiriləcəyi bilinmir Dünya

Gürcüstanda planlaşdırılan Şərq Tərəfdaşlığı sammitinin nə vaxt keçiriləcəyi bilinmir

Koronavirus səbəbiylə yaranan vəziyyətə görə Gürcüstanda planlaşdırılan Şərq Tərəfdaşlığı sammitinin nə vaxt keçiriləcəyi bilinmir.
APA-nın yerli bürosu xəbər verir ki, Gürcüstan Xarici işlər naziri David Zalkaliani belə deyib. O bildirib ki, Gürcüstanın Baş naziri Giorgi Qaxariyanın Avropa Komissarı Oliver Varhel ilə video konfransında məsələ müzakirə edilib: "Bu vəziyyətdə növbəti Şərq Tərəfdaşlığı sammitinin nə vaxt keçiriləcəyi barədə danışmaq çətindir. Məlum olduğu kimi, sammit iyun ayında planlaşdırılır, lakin bu, virusa qarşı mübarizədə yaxın gələcəkdə yaranacaq vəziyyətdən asılı olacaq".