Müdafiə naziri general-polkovnik Zakir Həsənov Hərbi-Dəniz Qüvvələrinin bazasında fəaliyyət göstərən Təlim-məşq kompleksində olub. Kompleksdə şəxsi heyətlə döyüş hazırlığı səviyyəsinin daim yüksəldilməsi məqsədilə suüstü gəmi və katerlərdə suyadavamlılıq və yanğınla mübarizə, eləcə də gəminin döyüş qabiliyyətinin artırılması üzrə təlim-məşqlər keçirilir.
Müdafiə naziri şəxsi heyətin real qəza vəziyyətinə uyğunlaşdırılmış şəraitdə nümayiş etdirdiyi praktiki fəaliyyətləri izləyib.
Gözətçi gəmisinə baxış keçirən nazir gəminin təminatı, silahlanmada olan döyüş vasitələrinin hazırlığı ilə maraqlanıb və müvafiq tapşırıqlar verib.