Xəstəxanaya digər xəstəliklərə görə müraciət edən şəxslər koronavirusa görə testdən keçirilmirlər.
Bunu Trend-ə Tibbi Ərazi Bölmələrini İdarəetmə Birliyinin (TƏBİB) mətbuat katibi Rəvanə Əliyeva deyib.
Onun sözlərinə görə, xəstəxanaya müraciət edən şəxsin mütləq şəkildə koronavirusa görə testdən keçirilməsi ilə bağlı hər hansı tələb qoyulmayıb:
“İnsanlar normal qaydada istədikləri həkimlərə müraciət edə bilərlər. Sadəcə olaraq, tibb müəssisələrinə daxil olmaq üçün xüsusi qaydalar var. İnsanlar xəstəxanaya daxil olduqları zaman bu qaydalara əməl edərək fərdi qoruyucu vasitələrdən istifadə etməli, sosial məsafəni gözləməlidirlər”.