Elektron dərsliklərdn istifadə faizi ötən ilin müvafiq dövrü ilə müqayisədə iki dəfə artıb.

Bunu Təhsil naziri Emin Əmrullayev bu gün keçirdiyi mətbuat konfransında deyib.

Onun sözlərinə görə, ötən müddətdə təhsilin keyfiyyətinin əsaslı şəkildə müsbət istiqamətdə dəyişdiyini deyə bilmərik: "Hazırkı şəraitdə ən böyük zərər aşağı siniflərdə oxuyan uşaqların sosial emosional vəziyyətinə dəyib. Bunun hansı səviyyədə olması ilə bağlı araşdırma aparılacaq. Güman edirik ki, bu müddətdə şagirdlərin müstəqil öyrənmə bacarığı artıb. Amma bunun fakt olaraq, hələ təsdiqi yoxdur".