Gəncədə baş vermiş hadisəyə hüquq-mühafizə orqanları və cəmiyyətimiz qiymət verib.
Bunu oktyabrın 1-də Baş prokuror Zakir Qaralov jurnalistlərə müsahibəsində deyib.
Baş prokuror bildirib ki, Gəncə Şəhər İcra Hakimiyyətinin sabiq başçısı Elmar Vəliyevə qarşı törədilən terror aktını dəstəkləyənlər, şəhərdə kütləvi iğtişaşlar törətmək istəyənlər dini-radikal qüvvələrdir. Prokurorluq orqanları bununla bağlı hərtərəfli istintaq aparıb, kifayət qədər sübut əldə edib. Hazırda təqsirləndirilən şəxslərin məhkəmə prosesi yekunlaşdığına görə qeyd edə bilərəm ki, onların cinayətləri tam sübuta yetirilib. Məhkəmə təqsirləndirilənlərin şəxsiyyətini, bundan əvvəlki fəaliyyətini, ailə vəziyyətini nəzərə alaraq qərar qəbul edir. Qəbul edilmiş humanist qərarlar onların günahsız olması demək deyil.