Bu ilin 9 ayında Azərbaycandan 63,3 min ton pambıq lifi və 5,8 min ton pambıq ipliyi ixrac edilib.

Dövlət Gömrük Komitəsinin (DGK) məlumatına görə, ixrac edilən pambıq lifinin dəyəri 83,8 milyon, pambıq ipliyinin dəyəri isə 12 milyon ABŞ dolları olub.

Xatırladaq ki, ötən ilin eyni dövründə ölkədən 86,7 milyon dollarlıq 61,7 min ton pambıq lifi, 22,5 milyon dollarlıq 9,4 min ton pambıq ipliyi ixrac edilib.