Partiyanın Ali Məclisinin sessiyasında seçkilərdə iştirak və deputatlığa namizədlərin irəli sürülməsi ilə bağlı məsələlər müzakirə olunacaq


Bütöv Azərbaycan Xalq Cəbhəsi Partiyasının (BAXCP) Azərbaycan Respublikasının Milli Məclisinə seçkilərdə iştirakı ilə bağlı qərar partiyanın avqusun 30-da keçiriləcək Ali Məclisinin sessiyasında veriləcək.
Partiyanın mətbuat xidmətindən verilən məlumata görə, avqustun 30-da, saat 12:00-da BAXCP Ali Məclisinin növbəti sessiyası keçiriləcək. Sessiyanın gündəliyinə partiyanın seçkilərdə iştirakı, deputatlığa namizədlərin irəli sürülməsi, səlahiyyətli və maliyyə məsələləri üzrə nümayəndələrin təsdiq olunması və digər məsələlər salınıb.