İslam Əməkdaşlıq Təşkilatının (İƏT) İcraiyyə Komitəsinin Xarici İşlər nazirləri səviyyəsində fövqəladə iclası keçirilib.
Türkiyə XİN başçısı Mövlud Çavuşoğlunun təşəbbüsü ilə çağırılan fövqəladə iclas virtual formada baş tutub.
Fövqəladə iclasda çıxış edən İƏT-in Baş katibi Yusif Əl Osaymin bildirib ki, hazırda dünya ortaq bir düşmənə - COVID-19 pandmeiyasına qarşı mübarizə aparır.
"Bu çətin zamanda əsas diqqətimiz üzv ölkələrimizin bəzilərində olan münaqişə bölgələrinə və qaçqınlara yönəlib. Hər kəsi onlara dəstək olmağa və kömək etməyə çağırıram", - deyə Baş katib bildirib.
Yusif Əl Osaymin bildirib ki, hazırkı vəziyyətdə təşkilata üzv ölkələr qüvvələrini birləşdirməli, həmrəy olmalı, əməkdaşlığı artırmalı və COVID-19-a qarşı mübarizə aparmaq üçün öz aralarında koordinasiyanı gücləndirməlidirlər.
Komitənin iclasında Türkiyə, Səudiyyə Ərəbistanı, Birləşmiş Ərəb Əmirlikləri, Nigeriya, Banqladeş və Qambiya Xarici İşlər nazirləri iştirak edib.