Türkmənistanda benzin defisiti yaşanır.
Bu məlumatı “Azadlıq” radiosu yayıb. Məlumata görə, defisit Aşqabad və Qurbanqulu Berdiməhəmmədovun doğma yurdu sayılan Gökdepe (Göytəpə) şəhərlərindən başqa bütün digər şəhərlərdə müşahidə edilir.
Sürücülərin A80 markalı benzinin əldə edilməsi üçün uzun növbələr yaratdığı bildirilib. Balkanabad şəhərində isə A92 və A95 markalı benzinin satışı tam dayandırılıb.
Neftin mərkəzi sayılan Nebitdağ şəhərində də eyni situasiyanın müşahidə olunduğu vurğulanıb.