“Tarzan” rolunun ifaçısı Josef Lara təyyarə qəzasında ölüb Dünya

“Tarzan” rolunun ifaçısı Josef Lara təyyarə qəzasında ölüb

"Tarzan: Epic Adventures" (1996-2000) televiziya serialında baş rol ifaçısı, amerikalı aktyor Josef Lara ABŞ-ın Tennessi ştatında təyyarə qəzasında ölüb.

Bu barədə “Rutherford County” Administrasiyası məlumat yayıb.

Aktyo və həyat yoldaşı, məşhur diyetoloq kimi tanınan Qven Şamblin kiçikmühərrikli “Cessna C501” markalı təyyarədə qəzaya düşüblər.

Florida istiqamətində havaya qalxan təyyarə bir qədər sonra gölə düşüb. Hadisə nəticəsində 7 nəfər dünyasını dəyişib.

Qeyd edək ki, J.Lara "Malibu Rescuers" (Baywatch, 1989-2001) və "Conan" (Conan, 1997-1998) seriallarında da rol alıb.