İsrail rəhbərliyi ehtiyat edir ki, Hörmüz boğazı problemini həll etmək səyləri fonunda ABŞ, cari münaqişədə yəhudi dövləti üçün əsas məsələ olan İranın nüvə proqramının tənzimlənməsindən imtina edəcək.

Xalqcebhesi.az xəbər verir ki, bu barədə "Al-Monitor" portalı İsrail rəhbərliyindəki mənbələrə istinadən məlumat yayıb.

Portalın həmsöhbətlərinin qeyd etdiyi kimi, Amerika tərəfi son həftələrdə İranın nüvə məsələsinin həllinə maraq göstərmir. İsrailin Baş naziri Benyamin Netanyahu ABŞ Prezidenti Donald Trampa Vaşinqtonun bu problem qarşısındakı fəaliyyətsizliyi ilə bağlı narahatlığını bir neçə dəfə ifadə edib.

"Bütün diqqət Hörmüz boğazına yönəlib. Heç kim nüvə problemindən danışmır. Bu, bizim üçün mümkün ssenarilərin ən pisidir. O (Netanyahu), Trampı dəfələrlə inandırmağa çalışsa da, heç nə alınmayıb", — deyə portalın mənbələrindən biri bildirib. "Al-Monitor"un qeyd etdiyinə görə, Netanyahu iyulun 19-da Trampla danışıqlar aparmağı və Amerika liderini diqqəti İranın nüvə və raket proqramlarına yönəltməyə razı salmağı planlaşdırır.

Məryəm Quliyeva