Türkiyədə prezidentliyə namizəd olmaq üçün imzatoplama kampaniyası bu gün başa çatır.

Trend bu barədə Türkiyə KİV-nə istinadən xəbər verir.

Qeyd edilib ki, prezidentliyə müvəqqəti namizədlərin siyahısı sabah, yekun namizəd siyahısı isə martın 31-də açıqlanacaq.

"Prezidentliyə namizədlərin yekun siyahısı martın 31-də "Resmi Gazete"də dərc olunacaq. Aprelin 1-də Yüksək Seçim Qurumunda namizədlərin birləşmiş bülletendəki yerlərini müəyyən etmək üçün püşkatma keçiriləcək" - deyə əlavə edilib.

Xatırladaq ki, Türkiyə Prezidenti Rəcəb Tayyib Ərdoğan seçkilərin 14 mayda keçirilməsi ilə bağlı qərar imzalayıb.