Bakının Nəsimi rayonunda yol-nəqliyyat hadisəsi olub.

Qəza Rəşid Behbudov küçəsində baş verib.
İdarəetməni itirən “Toyota Prius” markalı avtomobilin sürücüsü maşını əvvəlcə işıqfora, daha sonra isə yol kənarındakı dirəyə çırpıb.

Nəticədə işıqfor yerindən qoparaq sıradan çıxıb.

“Toyota Prius” markalı avtomobil eyni zamanda xanım sürücünün idarə etdiyi “Skoda” markalı avtomobilə də zərər vurub.

Qəza nəticəsində “Toyota Prius” markalı avtomobil yararsız vəziyyətə düşüb. Əraziyə polis əməkdaşları cəlb edilib. Avtomobillərin ərazidən kənarlaşdırılması təmin edilib.

Hadisənin baş vermə səbəbi araşdırılır.