Nazir generalı təqaüdə göndərdi - FHN-də yeni təyinatlar Hadisə

Nazir generalı təqaüdə göndərdi - FHN-də yeni təyinatlar

Fövqəladə Hallar Nazirliyində kadr islahatları həyata keçirilib.

Trend-in nazirlikdən əldə etdiyi məlumata görə, fövqəladə hallar naziri, general-polkovnik Kəmaləddin Heydərovun əmri ilə Dövlət Yanğından Mühafizə Xidmətinin rəisi, daxili xidmət general-mayoru Füzuli Əsədov təqaüdə göndərilib. Bildirilir ki, əmrə əsasən, Füzuli Əsədov xidmətdə olmanın son yaş həddi ilə əlaqədər təqaüdə göndərilib.

Nazirin digər bir əmri ilə isə FHN-in Dövlət Yanğın Nəzarəti Xidmətinin rəisi daxili xidmət general-mayoru Hikmət Abbasov tutduğu vəzifədən azad edilərək Dövlət Yanğından Mühafizə Xidmətinə rəis təyin edilib.
Hikmət Abbasovun yerinə isə FHN Dövlət Yanğın Nəzarəti Xidmətinin rəis müavini daxili xidmət polkovniki Aqşin Kazımov təyin edilib.