Ali məktəblərin proqram attestasiyası aparılacaq Hadisə

Ali məktəblərin proqram attestasiyası aparılacaq

"Növbəti mərhələdə ali təhsil müəssisələrinin proqram attestasiyası aparılacaq".

APA xəbər verir ki, bu barədə Təhsildə Keyfiyyət Təminatı Agentliyinin sədri Ülkər Səttarova keçirdiyi brifinqdə məlumat verib.
O bildirib ki, hələlik əsasən institusional akkreditasiyanın aparılması ilkin plandadır:

"Qeyd edim ki, bizim akkreditasiya meyarlarımızın 80 faizi Avropa Akkreditasiya Agentliyinin meyarlarına uyğundur, 20 faiz hissəsi isə yerli standartlara uyğunlaşdırılıb".

Ülkər Səttarova deyib ki, ali təhsil müəssisələrinin akkreditasiyası 7 istiqamət, 30 meyar və 271 indikator üzrə aparılır:

"Bu meyarlar müəssisənin fəaliyyətinə dair bütün sahələri əhatə edir. Burada ali təhsil müəssisəsinin təlim-tədris prosesi, elmi tədqiqat fəaliyyəti, maddi-texniki bazanın hansı səviyyədə olması, idarəetmə, beynəlxalq əlaqələr və s. yoxlanılır".