Quzey Kıbrıs QHT-ləri ilə əlaqələr müzakirə edilib Hadisə

Quzey Kıbrıs QHT-ləri ilə əlaqələr müzakirə edilib

"Ortaq Dəyərlər" İctimai Birliyinin sədri, "Türküstan" qəzetinin baş redaktoru Aqil Camal və Demokratik Azərbaycan Naminə İctimai Birliyin (DANİB) sədri Elməddin Behbud Quzey Kıbrıs Türk Cümhuriyyətinin Bakıdakı Təmsilçiliyinin rəhbəri Ufak Arca Turganerlə görüşüblər.
Görüşdə Azərbaycan QHT-ləri ilə Quzey Kıprısın qeyri-hökumət təşkilatları arasında əməkdaşlıq münasibətlərinin inkişaf etdirilməsi,Türk Dünyasının ortaq maraqları və ictimai sektorun bu sahəyə verə biləcəyi töhfələr müzakirə edilib.
Görüşdə həmçinin cari ilin oktyabr ayında Quzey Kıbrısda keçirilmiş I Türk Dünyası Gənclik Forumunun nəticələri haqqında da fikir mübadiləsi aparılıb. QHT-lərin dünyada artan gücü fonunda Türk dünyasının ictimai təşkilatları arasında da əlaqələrin gücləndirilməsinin vacibliyi vurğulanıb.