“Qazi intiharları bizi çox narahat edir. Dövlətin dəstəyi kifayət deyil”. Xalqcəbhəsi.az xəbər verir ki, bunu parlamentin bugünkü plenar iclasında çıxışı zamanı deputat Tahir Kərimli deyib. O, əlavə edib ki, qazilər özlərini yiyəsiz hesab edirlər: “Təklif edirəm ki, bu problemin həlli ilə bağlı publik hüquqi şəxs, yaxud komitə yaradılsın. 600 qazinin dükanı bağlanıb. Qazi iş tapan kimi dərhal onun pensiyasını kəsirlər. Yaxud dizdən aşağı ayağı olmadığı halda, ona üçüncü qrup əlillik dərəcəsi verirlər”.