Kürdəmirin Qarasaqqal kəndində baş vermiş yol qəzası anbaan təhlükəsizlik kamerasına düşüb.

Xalqcebhesi.az-ın Avtosfer.az-a istinadən məlumatına görə, hadisə noyabrın 7-də saat 07:17 radələrində qeydə alınıb.

Görüntüdən də aydın olduğu kimi, yüklə dolu motosikleti idarə edən sürücü yolun boş olduğunu gördükdən sonra hərəkət etməyə başlayır. Bu zaman anidən yüksək sürətlə gələn “Mersedes” markalı maşın ona çırpılır. Zərbənin təsirindən hər iki nəqliyyat vasitəsi yoldan çıxaraq kanala düşür. Hadisə zamanı moto-sürücü və avtomobildə olan qadın sərnişin müxtəlif dərəcəli bədən xəsarətləri alıb.