Ukraynalıların 80%-i, ABŞ yardımı dayandırsa belə, Rusiyanın neft emalı zavodlarına zərbələr endirilməsini dəstəkləyir. Bu, sosioloqlar tərəfindən bu yaxınlarda aparılmış sorğunun nəticələridir. Rəqəmlər kifayət qədər əhəmiyyətlidir.

Xalqcebhesi.az xəbər verir ki, bunu Ukrayna Radasının sabiq deputatı Artur Bilous deyib.

"Belə çıxır ki, hakimiyyət hər şeyi düzgün edir. Əhali onları böyük ölçüdə dəstəkləyir. Qorxaq "kapitulyasiya tərəfdarlarına" gəldikdə isə – ayıb olsun onlara! Yalnız bir sual: bu çoxluq artıq özünü 3D eynəklər və sapandlarla təchiz edibmi? Birincilər, şübhəsiz ki, "Starlink"i, ikincilər isə "Patriot" sistemləri üçün nəzərdə tutulan raketləri əvəz edəcək" - o, deyib.

A.Bilous deyib: "Beləliklə, "Agent Krasnov"un heç bir köməyi olmadan düşmənin ballistik raketlərini aşkar edib vura biləcəyik!

Əslində, bütün Rusiya neft emalı zavodlarının yanıb kül olması əla olardı. Lakin aylardır onlara qarşı həyata keçirilən zərbələrin düşmənin müharibə aparmaq imkanlarını azaltdığını müşahidə etməmişəm. Əksinə, öz şəhərlərimizə endirilən hava zərbələri daha da şiddətlənib. Bəlkə də, heç də sonsuz olmayan döyüş gücümüzü bu qədər səpələməmək daha yaxşı olardı? Bunun əvəzinə, niyə bütün gücü düşmənin silah sistemlərinə və onları istehsal edən müəssisələrə yönəltməyək? Belə olsa, amerikalıların da heç bir şikayəti olmazdı, ukraynalılar isə real nəticəni hiss edərdilər. Amma yenə də, deyildiyi kimi, rəhbərlik daha yaxşı bilir. Gəlin sızıldanmayaq! Qələbə artıq çox yaxındadır!".

Cavid