Bakı-Yevlax avtomobil magistralında güclü yağış nəticəsində yaranan sel nəqliyyatın hərəkətində çətinliklərə səbəb olub.

Daxili İşlər Nazirliyinin Mətbuat Xidmətinin regional qrupundan Xalqcebhesi.az-a verilən məlumata görə, hadisə Bakı-Şamaxı-Yevlax yolunun 78-ci kilometrliyində qeydə alınıb. Güclü yağışların səbəb olduğu sel suları yola daş və qum gətirərək, avtomobillərin hərəkətinə maneə yaradıb.

Hadisə yerinə dərhal polis əməkdaşları və aidiyyəti qurumların nümayəndələri cəlb olunublar.

Ərazidə təmizləmə işləri aparıldıqdan sonra yolda hərəkət tam bərpa olunub və avtomobillərin keçidi əvvəlki qaydada davam etdirilib.