“Müəllimlərin işə qəbulu zamanı COVİD pasportu və immunitet sertifikatı tələb olunmayacaq. Test imtahanı mərhələsində heç bir namizəddən bu sənədlər tələb edilməyəcək”.

APA-nın məlumatına görə, bunu Təhsil Nazirliyinin İnsan Resursları Şöbəsinin əməkdaşı Tükəzban Quliyeva deyib. O bildirib ki, sadəcə olaraq imtahana cəlb olan bütün heyət – nəzarətçilər və digər heyət COVİD-19 testindən keçiriləcək: “Ümumiyyətlə, müsabiqənin digər mərhələsində tələb olunarsa, bununla bağlı əvvəlcədən bütün namizədlərə, ictimaiyyətə məlumat veriləcək”.