Son dövrlər media və sosial şəbəkələrdə meşələrin qırılması ilə bağlı məlumatlar yer alır, çox təəssüf ki, bunların böyük əksəriyyəti həqiqətdir.

"Xalq Cəbhəsi" xəbər verir ki, bunu Milli Məclisin iclasında millət vəkili Bəhruz Məmmədov bildirib.

Deputat qeyd edib ki, Prezident İlham Əliyev parkların salınmasına böyük önəm verir: "Yaxın 10 ilin prioritet məsələsi yaşıllıqların qorunması və genişləndirilməsidir. Cənab Prezidentin iradəsi bu yöndə olduğu halda, o zaman meşələri kimlər qırır? Hələ də meşələrin xəritəsi açıqlanmır, niyə görə obyekt və əkin sahələrini meşə hesabına etməliyik?
Məni narahat edən daha bir məsələ narkotiklərin dövriyyəsidir. Xüsusilə şüşə adlanan narkotik vasitəsinin istifadəsi daha geniş vüsət alıb. Bu problemi özümüz həll etməliyik. Azərbaycan narkotik alverçisi və istifadəçisi olan hər hansı əcnəbi üçün qorxulu bölgəyə çevrilməlidir".

Əli Zülfüqaroğlu