Ağdamda işlər plana uyğun şəkildə davam etdirilir.

Bunu açıqlamasında Ağdamın Baş planının tərtibatçısı Ruslan Sadıqov deyib. Onun sözlərinə görə, minadan təmizləmə işlərinin ardınca infrastruktur işləri və nəzərdə tutulan ayrı-ayrı layihələr icra edilib:

"Ağdama çəkilən dəmir yolu xəttinə gəlincə, bu, ümumi Qarabağ ərazisində davam etdiriləcək. Hazırda işlər Ağdamdan keçərək Füzuli istiqamətində gedir. Dəmiryolu, avtomobil yolları, elektirik, su, meliorasiya xətlərinin hamısının tikintisi Prezidentin tapşırığına əsasən yüksək səviyyədə aparılır. Ağdam dayanıqlı bölgə kimi inkişaf etdiriləcək".