“Hazırda Yaxın Şərqdə müharibə davam edir. Netanyahu hökuməti Vaşinqtonun təzyiqlərinə boyun əyib atəşkəsə getmək istəmir”.
Bunu xalqcəbhəsi.az-a açıqlamasında araşdırmaçı-jurnalist Kənan Rövşənoğlu deyib.
K.Rövşənoğlu bildirib ki, hətta keçən həftə Hokşteyn və Makqurk atəşkəs üçün Livana getdi, amma olmadı: “Yəni Netanyahu bilir ki, hər şey seçkilərdən asılıdır. Əgər Tramp qalib gəlsə, Netanyahu daha rahat hərəkət edəcək. Amma Harris qazansa Vaşinqtonun təzyiqləri artacaq. O zaman Netanyahu atəşkəsə məcbur ola bilər. Ona görə də seçkilərin nəticələri bilinənə qədər daha da irəliləmək istəyir. Ancaq düşünürəm ki, İsrail nə qədər tələssə də zaman onun xeyrinə işləmir. Çünki müharibənin uzanması İsrail üçün yükə çevrilir. İsrailə daha uyğun olan müharibənin sürətli şəkildə qələbə ilə başa çatmasıdır. Bu isə hələlik mümkün olmur”.