İran rejiminin süqutu baş verərsə, yeni hakimiyyəti kənarda axtarmağa ehtiyac yoxdur. İranın indiki prezidenti Məsud Pezeşkian rejimin süquta uğradığını, molla rejiminin devrildiyini, yeni Prezident
üsul-idarəsinin və İran respublikasının yarandığının elan edildiyini bəyan etməlidir.

Bunu xalqcebhesi.az-a ƏHD Partiyasının ictimai-siyasi əlaqələr üzrə katibi Azər Qasımov deyib.

O, qeyd edib ki, bütün ordunun və daxili qoşunların da prezidentə tabe olduğu vurğulanmalıdır. Bu, ölkə daxilində xaosun, parçalanmanın qarşısını ala bilər:

"Bundan sonra İran daxilindəki xalqlar müstəqillik yolunu tutmaq istəyərsə və ya Pezeşkianın idarəçiliyini qəbul etməzlərsə, onda yeni prezident seçkiləri üçün müəyyən dövrdən sonra vaxt təyin edilə bilər. Amma SEPAH, Bəsic kimi silahlı qrupların buna mane olma ehtimalları böyük olduğu üçün dərhal ABŞ, Türkiyə ilə danışıqlara başlamaq lazım olacaq.

Xüsusən də, Pezeşkianın Trampla görüşü mütləq olacaq, sonra region ölkələrinin liderləri ilə. Hesab edirəm ki, bu yolla həm İranı, həm də regionu böyük kataklizmlərdən qorumaq olar".

Cavid